Bu qaydanı pozan piyadalar 40 manat CƏRİMƏLƏNƏCƏK

Son zamanlar piyadaların ölümü ilə nəticələnən yol-nəqliyyat hadisələrinin sayında kifayət qədər ciddi artım var. Hətta ümumi hadisələrin 50 faizdən çoxu piyadavurmaların payına düşür. Çox zaman da piyadaların yolu düzgün yerdən keçməməsi qəzalara səbəb olur. Bəs görəsən yolu düzgün qaydada keçməyən piyadalar cərimə olunurmu?

Avtosfer.az bildirir ki, qanunvericilikdə piyadaların yolu düzgün keçməməsinə görə 20 manat cərimə nəzərdə tutulub. Lakin İnzibati Xətalar Məcəlləsinin 338.2-1-ci maddəsində deyilir ki, hərəkət sürətinin həddi 80 km/saat və daha artıq müəyyən edilmiş yolda piyadanın yolun hərəkət hissəsini “Yol hərəkəti haqqında” Azərbaycan Respublikasının Qanunu ilə piyadaların yolu keçməsi üçün müəyyən edilmiş yerlərdən kənar keçməsinə görə qırx manat məbləğində cərimə olunur.

Orxan