Dayanma-durmaya görə 40 manat cərimə hansı hallarda yazıla bilər? - ÖYRƏNƏK

Öyrənək 10 Noyabr 2022 17:44 Oxunub 5058
Dayanma-durmaya görə 40 manat cərimə hansı hallarda yazıla bilər? - ÖYRƏNƏK
WhatsApp kanalımıza abunə ola bilərsiniz

Bəzən sürücülər dayanma-durma qaydalarının pozulamasına görə 20 manat deyil, 40 manat məbləğində cərimə olunduqları barədə şikayət edirlər. Avtosfer.az-a müraciət edən vətəndaşlardan biri yol polisi tərəfindən ona dayanma-durmaya görə 40 manat cərimə tətbiq edildiyini əsas gətirərərk bunun qanunsuz olduğunu bildirib. Araşdırma zamanı məlum olub ki, sürücü avtomobili avtobus dayanacağına yaxın məsafədə park edib.

Avtosfer.az olaraq bununla bağlı oxucularımıza ətraflı məlumat vermək istərdik. Belə ki, İnzibati Xətalar Məcəlləsinin 346.2-ci maddəsində qeyd olunur ki, ümumi istifadədə olan nəqliyyat vasitələrinin dayanacaq meydançasında və ya 5.12, 5.13 yol nişanlarından 15 metrdən az yaxınlıqda digər nəqliyyat vasitələrinin dayanmasına və ya durmasına görə, sürücülər qırx manat məbləğində cərimə edilir.

Ümumi istifadədə olan nəqliyyat vasitələrinin dayanacaq meydançası deyildikdə avtobus, trolleybus, tramvay və bu kimi ictimai nəqliyyat vasitələrinin dayanacağı nəzərdə tutulur. Eyni zamanda qanunda göstərilmiş 5.12 və 5.13 nişanı da müvafiq olaraq avtobus və tramvay, trolleybus dayanacaqlarını ifadə edir. Yəni, sürücü dayanacaqda və ona 15 metr məsafədə avtomobili qanunsuz olaraq park edən zaman 20 manat deyil, 40 manat məbləğində cərimə edilir.

Orxan

Qeyd: Yazı, Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin “2022-ci il kiçik qrant müsabiqəsi”ndə qalib olmuş “Yol hərəkəti təhlükəsizliyi: hüquqi yardım və maaifləndirmə”layiihəsi çərçivəsində hazırlanıb.

 

ŞƏRH YAZ
Ad

E-mail

Şərh