Gecə vaxtı radara düşən sürücülər bu cür cəriməni ödəməldirmi? – QANUN BELƏ DEYİR

Günün qaranlıq saatlarında radara düşən bəzi sürücülər protokola əlavə edilmiş fotodan narazı olurlar. Bir neçə sürücü bu barədə redaksiyamıza şikayət ünvanlayaraq protokolun qanunsuz olduğunu bildirirlər. Onlar gecə vaxtı radarın sürücünü çəkməməsini səbəb kimi göstərirlər.

Qanunvericiliyə görə belə hallarda protokol ləğv edilməlidirmi?

Qeyd edək ki,  İnzibati Xətalar Məcəlləsinə görə, sükan arxasında olan sürücünün fotoda əks olunması nəzərdə tutulmayıb. Sürücünün fotoda əks olunması yalnız təhlükəsizlik kəmərindən istifadə etmədiyi hallarda nəzərdə tutulub. Çünki təhlükəsizlik kəmərindən istifadə edilməməsi sübuta yetirilməlidir. Sürət həddinin aşılmasına görə isə tərtib edilmiş protokolda bu vacib hesab edilmir. Lakin avtomobilin qeydiyyat nişanının fotoda əks olunması hər bir halda vacibdir. Əgər qeydiyyat nişanı aydın şəkildə görünürsə sürücünün törətdiyi xəta sübuta yetirilmiş hesab edilir. Bu protokolu mübahsiələndirən sürücü heç bir nəticə əldə edə bilməyəcək, əksinə əlavə vaxt itkisinə səbəb olacaq.

Elmin