Motodəbilqə: faydası nədir? - FOTO

Azərbaycanda motosiklet və velosiped sürənlərin sayı artdığından motosikletçi və velosipedçi dəbilqələrinə də tələbat artır. 

Avtosfer.az-ın xəbərinə görə, ölkəmizdə bütün motosiklet sürücüləri və sərnişinlərin dəbilqədən istifadə etməsi məcburidir. Təəəssüf ki, bəzən bu qaydaya məhəl qoymayanlar olur.

Bəs dəbilqədən istifadə etmədikdə nə baş verir? Avropanın elmi-tədqiqat institutları bu suala cavab verib.

Məlum olub ki, dəbilqə istənilən qəzada kəllə-beyin travması riskini və başın zədələnməsi riskini 85% azaldır. Lakin təhlükəsizlik üçün təkcə dəbilqə taxmaq qədər onu düzgün seçmək və istifadə etmək də şərtdir. Ekspertlərin hesablamasına görə, başın anatomik quruluşuna və ölçüsünə uyğun dəbilqə istifadə edilərsə hər 5 kəllə-beyin travmasının dördünün qarşısını almaq mümkündür. Bir sözlə, avtomobil üçün təhlükəsizlik kəməri nədirsə, motikletçi və velosipedçi üçün dəbilqə də odur.

Vüqar Yaşaroğlu