Avtosfer.az | Reklam
Nizami polisi orta məktəbdə maarifləndirici tədbir keçirdi - FOTO
Öyrənək 14 Fevral 2019 15:37 Oxunub 1280
Nizami polisi orta məktəbdə maarifləndirici tədbir keçirdi - FOTO
Müasir dövrdə dini radikalizm, fanatizm və ekstremizm ən böyük problemlərdən biridir

Fevralın 13-də Nizami Rayon Polis İdarəsinin təşkilatçılığı ilə 32 saylı tam orta məktəbdə “Dini ekstremizm və radikal dini təriqətlərə qarşı mübarizə” mövzusunda şagird və pedoqoji kollektivlə görüş keçirilib. Öncə Dini Qurumlarla İş üzrə Dövlət Komitəsinin sifarişi ilə hazırlanmış “Fitnə” sənədli filmi nümayiş olunub.
Görüş zamanı iştirakçılara radikal dini qrupların və qeyri-ənənəvi təriqətlərin zərərli təbliğatının qarşısının alınması, onlara qarşı səmərəli mübarizə aparılması və dini maarifçilik işinin düzgün metodlarla təşkili istiqamətində məlumat verilib, həmçinin gənclərin milli mənəvi ruhda tərbiyə edilməsi və düzgün maarifləndirilməsinin əhəmiyyətindən, onları radikal təsirlərdən qorumağın yollarından bəhs edilib.
Nizami RPİ-nin Yetkinlik Yaşına Çatmayanlarla Profilaktiki İşin Təşkili bölməsinin rəisi, polis kapitanı Yaşar Həsənov tədbirin  gənclərin maarifləndirilməsi, milli-mənəvi dəyərlərimizin, ölkəmizdə mövcud tolerant mühitin qorunması və təbliği, dini radikalizm meyllərinin qarşısının alınması baxımından mühüm əhəmiyyət daşıdığını bildirdi. 
RPİ-nin Veteranlar Şurasının üzvləri Adil Abbasov və Firdovsi Bayramov dünyada baş verən münaqişələrin yaranmasında radikal dini təriqətlərdən istifadə edildiyini, belə hadisələrin bütün bəşəriyyət üçün böyük təhlükə olduğunu, görüşün gənclərin maarifləndirilməsi, onların milli mənəvi dəyərlərimizə bağlılığı, ölkəmizdə mövcud tolerant mühitin qorunması və təbliği baxımından böyük əhəmiyyət daşıdığını vurğuladı.
Daha sonra çıxış edən Nizami RPİ-nin baş inspektoru, polis kapitanı Pərvanə Əzizova müasir dövrdə dini radikalizm, fanatizm və ekstremizmin həm fərdlərin, həm cəmiyyətin, həm də dövlətin üzləşdiyi ən böyük problemlərdən biri olduğunu qeyd etdi. 
Tədbirdə Nizami rayon İcra Hakimiyyətinin məsul işçisi Bəhmən Hüseynov,     Dini Qurumlarla İş üzrə Dövlət Komitəsinin əməkdaşları Fuad Şirinov və Aslan Sultanov mövzu ilə bağlı fikirlərini bölüşüblər.
Diqqətə çatdırılıb ki, vətəndaşları, xüsusilə də gəncləri dini və mənəvi-əxlaqi dəyərlərə yad olan radikal təriqətlərin təsirindən qorumaq məsuliyyəti cəmiyyətin üzərinə düşür. Bu mənada dini maarifçilik işinin düzgün təşkilinə, gücləndirilməsinə və əhatə dairəsinin genişləndirilməsinə xüsusi diqqət yetirilməlidir. 
Sonda tədbir iştirakçılarının sualları cavablandırılıb.


Zeyni Hüseynov,
DİN Mətbuat Xidmətinin əməkdaşı

FOTO QALEREYA
ŞƏRH YAZ
Ad

E-mail

Şərh