Yol polisi fərqlənmə nişanına görə taksi sürücülərinə cərimə yaza bilərmi? - ÖYRƏNƏK

Öyrənək 4 Noyabr 2022 11:29 Oxunub 4116
Yol polisi fərqlənmə nişanına görə taksi sürücülərinə cərimə yaza bilərmi? - ÖYRƏNƏK
WhatsApp kanalımıza abunə ola bilərsiniz

Son günlər Dövlət Yol Polisi, Bakı Nəqliyyat Agentliyi və Dövlət Vergi Xidməti taksi sürücülərinə qarşı reydlər keçirir. Reydlər zamanı qanunsuz taksi fəaliyyəti ilə məşğul olan sürücülər cərimələnir.

Avtosfer.az-ım araşdırmasına görə, İnzibati Xətalar Məcəlləsinin 324-cü maddəsi xüsusi razılıq (lisenziya) olmadan avtomobil nəqliyyatı ilə sərnişin və yük daşınması, yaxud lisenziya şərtlərinin pozulmasından bəhs edir. Belə ki, xüsusi razılıq (lisenziya) olmadan avtomobil nəqliyyatı ilə sərnişin və yük daşınmasına görə sürücü yüz manat məbləğində cərimə edilir.

Eyni zamanda avtomobil nəqliyyatı ilə sərnişin və yük daşınmalarına dair xüsusi razılıq (lisenziya) şərtlərinin pozulmasına görə əlli manat məbləğində cərimə tətbiq olunur.

Bəs bu cəriməni hansı qurum tətbiq edə bilər?

Qeyd edək ki, Azərbaycanda sərnişindaşımaya görə lisenziya nəzərdə tutulmayıb. Odur ki, bu maddəyə görə sürücülərə cərimə tətbiq oluna bilməz. Fərqlənmə nişanına görə isə cəriməni Dövlət Yol Polisi yaza bilməz. Sürücü bu xətaya görə Dövlət Vergi Xidməti tərəfindən cərimə oluna bilər. Bəzi hallarda isə sürücülər Yol Polisinin bu cəriməni tətbiq etdiyi barədə şikayətlər edir.

Qeyd edək ki, Yol Polisi Məcəllənin 324-cü maddəsinə görə deyil, 322.0.2-ci yni, “Taksi” tanınma nişanları, taksometr və ya sərnişin və baqaj daşınması qaydaları ilə müəyyən edilmiş digər məlumat göstəriciləri olmadan, habelə nasaz və ya plombu pozulmuş taksometrlə taksi minik avtomobili ilə sərnişin daşımalarının həyata keçirilməsinə görə sürücünü qırx manatdan əlli manatadək məbləğdə cərimə edə bilər.

Orxan

ŞƏRH YAZ
Ad

E-mail

Şərh