Ağ Şəhərdə “hoqqa” verən sürücülər yolboyu bir-biriylə “yarışdılar” - VİDEO

Paytaxtın Xaqani Rüstəmov küçəsində avtixuliqanlıq edən sürücülər kameraya düşüb.

Avtosfer.az-ın məlumatına görə, bu barədə görüntü sosial şəbəkədə paylaşılıb. Hərəkətdə olan 99-MD-402 dövlət nömrə nişanlı “Volkswagen” markalı və “Naz Lifan” markalı avtomobillərin sürücüləri yol boyu təhlükəli manevrlər edərək yarışıblar. Belə ki, onlar ardıcıl olaraq gah sağ, gah da sol zolağa keçərək “şou” göstəriblər. Bununla kifayətlənməyən “Naz Lifan” sürücüsü sola dönərək dairəyə “protiv” girib.

Qeyd edək ki, İnzibati Xətalar Məcəlləsinin 511.3-cü maddəsinə əsasən, bu Məcəllənin 511.1-ci maddəsində nəzərdə tutulmuş hərəkətlərin aşkar surətdə iki və ya daha artıq nəqliyyat vasitəsinin iştirakı ilə sürət yarışı təşkil edilməsinə görə,
nəqliyyat vasitəsini idarə etmək hüququ iki il müddətinə məhdudlaşdırılmaqla iki min manatdan dörd min manatadək məbləğdə cərimə edilir və ya nəqliyyat vasitəsini idarə etmək hüququ iki il müddətinə məhdudlaşdırılmaqla işin hallarına görə, pozuntunu törədənin şəxsiyyəti nəzərə alınmaqla, bir aydan iki ayadək müddətə inzibati həbs tətbiq olunur.

Nərmin