Anidən manevr edən “Mercedes” sürücüsü təhlükə yaratdı - VİDEO

Xətai rayonu Əhmədli qəsəbəsində qayda pozan sürücü kameraya düşüb.
Avtosfer.az-ın məlumatına görə, hadisə fevralın 16-sı saat 12:58 radələrində qeydə alınıb. Hərəkətdə olan 10-NK-944 dövlət nömrə nişanlı “Mercedes” markalı avtomobilin sürücüsü manevr qaydasını pozub. Belə ki, o, qəfildən sağ zolağa keçib. Nəticədə həmin zolaqdakı avtomobilə qəza riski yaradıb. Şikayətçinin iddiasına əsasən, o, siqnal verərək xəbərdarlıq edib, amma qayda pozan sürücü bu zaman “dönmə işığını yandırmışdım” deyərək özünə haqq qazandırıb. Lakin sürücü onun yalan söylədiyini və qayda pozduqdan sonra dönmə işığını yandırdığını əlavə edib.
Bəzi sürücülər dönmə işığını yandıraraq qayda pozmadıqlarını zənn edirlər. Lakin bu, yanlış düşüncədir. Hər iki halda manevr qaydası pozulur.

Nərmin