Avtobus sürücüsü sükan arxasında mobil telefondan əl çəkmədi - VİDEO

Paytaxtın Nərimanov rayonu, Xəlil Rza Ulutürk küçəsində qayda pozan sürücü kameraya düşüb.

Bu barədə izləyicilərdən biri Avtosfer.az-ın “Whatsapp” ünvanına video göndərərək məlumat verib. Hadisə aprelin 25-də saat 18:08 radələrində qeydə alınıb. Görüntülərdə 15 nömrəli müntəzəm marşrut xətti üzrə hərəkət edən 10-TG-996 dövlət qeydiyyat nişanlı “Daewoo” markalı sərnişin avtobusunun sürücüsünün sükan arxasında mobil telefondan istifadə etdiyi görünür.

İzləyicinin iddiasına görə, sürücü yol boyu diqqətini telefona yönəldib və hərəkəti nisbətən ləng tempdə davam etdirib.

Xatırladaq ki, ictimai nəqliyyatda sükan arxasında mobil telefondan istifadə təkcə qayda pozuntusu deyil, həm də sərnişinlərin təhlükəsizliyini birbaşa riskə atan davranış kimi qiymətləndirilir. Belə hallarda bir neçə saniyəlik diqqət yayınımı belə böyük yol hadisələrinə yol aça bilər.

Nərmin