Bahalı maşınıyla qayda pozan sürücü qəza təhlükəsi yaratdı - 10-VR-040 - VİDEO

Paytaxtın Heydər Əliyev prospektində qayda pozan sürücü anbaan kameraya düşüb.
Avtosfer.az-ın məlumatına görə, hadisə fevralın 11-i günorta saatlarında qeydə alınıb. Videodan göründüyü kimi, 10-VR-040 dövlət nömrə nişanlı “Mercedes” markalı avtomobilin sürücüsü manevr qaydasını pozub. Belə ki, o, baş yola çıxarkən hərəkətini saxlamayıb və  avtomobilə qəza təhlükəsi yaradıb. Xoşbəxtlikdən qəza baş verməyib. 
Qeyd edək ki, sürücülər arasında diqqətsiz və ehtiyatsız davrananlar çoxdur. Lakin baş vermiş qəzalarda belə sürücülərin payı az deyil. Sükan arxasında əyləşən hər bir insan ikiqat məsuliyyət daşıdığını unutmamalı və bacardığı qədər diqqətli olmalıdır.
Xatırladaq ki, bu qayda pozuntusu İnzibati Xətalar Məcəlləsinin 327.1-ci maddəsinə əsasən, 40 manat cəriməylə nəticələnir.

Nərmin