Bakı ilə Sumqayıtı bir-birinə qatıb “avtoş şou” göstərən sürücü - 77-AM-342 - VİDEO

Bakı və Sumqayıt ərazisində avtoxuliqanlıq edən sürücü özünü videoya çəkərək sosial şəbəkə hesabında paylaşıb.
Avtosfer.az-ın məlumatına görə, 77-AM-342 dövlət nömrə nişanlı “Khazar” markalı avtomobilin sürücüsü yolda təhlükəli manevrlər edir. Belə ki, o, avtomobili gah sağa, gah da sola sürərək “şou” göstərir. Həmçinin o, maşını dövlət qeydiyyat nişanı olmadan idarə edir. Bununla yanaşı sürücünün nəqliyyat vasitəsinə konstruksiya dəyişikliyi etdiyi aydın şəkildə görünür. Digər görüntüdə isə o, zolaqdan-zolağa keçid edərək nəqliyyat vasitələrinə qəza riski yaradır. Xüsusilə yük maşınlarını ötməyə çalışan sürücü təhlükənin bir addımlığından dönür. 
Xatırladaq ki, sürücünün törətdiyi qayda pozuntusu İnzibati Xətalar Məcəlləsinin 511.1-ci maddəsilə qiymətləndirilə bilər. 

Nərmin