Bakıda əks yola çıxan sürücülər "güllə kimi" uçdular - VİDEO

Bakıda qaydaları kobud şəkildə pozan sürücülər Avtosfer.az-ın kamerasına düşüb. Videogörüntü dekabrın 20-də, paytaxtın Şah İsmayıl Xətai prospektində qeydə alınıb. Belə ki, iki sürücü tıxacda qalmamaq üçün qoşa xəttin tələbini pozaraq yüksək sürətlə axına qarşı hərəkət ediblər. Hərəkət sürəti o qədər yüksək olub ki, avtomobillərin nə markası, nə də qeydiyyat nişanları kameraya əks olunmayıb.

Ümid edirik ki, Dövlət Yol Polisi İdarəsi təhlükəsiz şəhər kameralarının köməyi ilə həmin sürücüləri aşkar edəcək və barələrində ciddi tədbir görəcək.

Qeyd edək ki, İnzibati Xətalar Məcəlləsinin 327.4-cü maddəsinə əsasən sürücülərin hər biri 150 manat və 4 bal cərimə olunmalıdır.

Fərid