Bakıda olmayan nişana görə sürücülər cərimələnir - ŞİKAYƏT - FOTO

Bakıda haqsız yerə cərimələndiyini iddia edən sürücü redaksiyamızın qaynar xəttinə şikayət ünvanlayıb. O bildirir ki, paytaxtın Əsəd Əhmədov küçəsində qaydaları pozmadan dayanan zaman kamera vasitəsilə cərimə yazılır: "Əvvəllər sözügedən yolda dayanma-durmanı qadağan edən nişan olub. Lakin indi həmin nişan yerində olmadığı üçün sürücülər orada parklanma edirlər. Mən avtomobilimlə dayanan zaman kamera vasitəsilə barəmdə protokol tərtib olunub. Bununla bağlı şikayət etsəm də 2 aydır heç bir cavab əldə edə bilməmişəm. Qeydə aldığım fotodan da görünür ki, hal-hazırda dirəkdə heç bir nişan yoxdur. Olmayan nişana görə cərimə yazılması düzgün deyil" - deyə oxucu Avtosfer.az-a bildirib.

Ümid edirik ki, aidiyyəti qurumlar yaranmış həmin nöqsanı aradan qaldıracaq və sürücünün etdiyi şikayətlə bağlı araşdırma aparacaq.

Fərid