Bakıda özünü insan kimi aparan bu it hamını təəccübləndirdi - VİDEO

Bakıda yolu keçən it öz hərəkətləri ilə hamını təəccübləndirib. Avtosfer.az xəbər verir ki, küçədə yaşayan it paytaxtın Hüseyn Cavid prospektini digər tərəfə keçən zaman insanlardan biri onun videosunu çəkərək sosial şəbəkədə paylaşıb. Müxtəlif vaxtlarda yolu keçən it səkidə dayanaraq piyadalara yaşıl işığın yanmasını gözləyib. Yaşıl işıq tam yandıqdan sonra piyada zolağı ilə təhlükəsiz şəkildə yolu digər tərəfə keçib.

Çox təəssüf ki, bəzi insanlar öz təhlükəsizliyini heç bu cür qorumur. Yeraltı, yerüstü keçid olan yerlərdə yolun hərəkət hissəsi ilə, svetoforla nizamlanan keçidlərdə isə yaşıl işığın yanmasını gözləmədən keçirlər. Bunun sonu isə ağır qəzalar və ölümlərlə nəticələnir.

Könül