Bakıda "ruh" kimi uçan taksi sürücüsü kameraya düşdü - VİDEO

Bakıda manevr qaydasını kobud şəkildə pozan taksi sürücüsünün hərəkətləri avtomobildəki kameraya düşüb. Avtosfer.az xəbər verir ki, hadisə aprelin 6-da paytaxtın Füzuli küçəsində baş verib. Belə ki, 77-GJ-169 qeydiyyat nişanlı "Toyota Prius" markalı avtomobilin sürücüsü geriyə dönmə etdikdən sonra Mərdanov qardaşları küçəsinə dönməyə çalışıb. O, sol zolaqdan qəfil sağa dönərək avtomobillərə təhlükə yaradıb. Həmçinin sərnişin avtobusunun önündən keçən zaman qəzadan son anda xilas olub.

Qanunvericiliyə görə, sağa dönən sürücü hərəkət hissəsində ən sağ zolaqda yerləşməlidir. Bu qaydaya əməl etməməyə görə İnzibati Xətalar Məcəlləsinin 327.1-ci maddəsi ilə 40 manat məbləğində cərimə nəzərdə tutulub.

Fərid