Bakıda yarış təşkil edən sürücülər avtoxuliqanlıq edib "şou" göstərdilər - VİDEO

Paytaxtın Xətai rayonunda avtoxuliqanlıq edən sürücülərin videosu sosial şəbəkədə paylaşılıb. Avtosfer.az-ın məlumatına görə, hadisə iyunun 12-də günorta saatlarında Neapol dairəsində qeydə alınıb.

Hərəkətdə olan 99-EG-035 dövlət nömrə nişanlı “BMW” markalı və 99-EY-072 dövlət nömrə nişanlı “Ford Fusion” markalı avtomobillərin sürücüləri bir-biriləriylə yarışıblar. Belə ki, sürət həddini aşan sürücülər yaşayış ərazisində təhlükəli manevrlər edirlər. Həmçinin hər iki avtomobildəki sərnişinlər başlarını maşının “lyuk”undan çıxarıblar. 
Qeyd edək ki, bu halda avtomobili idarə etmək qəza riskini qaçılmaz edir.

Hətta xəsarətlə, ölümlə nəticələnən ağır yol-nəqliyyat hadisələrinə gətirib çıxara bilər. 

Xatırladaq ki, sürücülərin törətdiyi qayda pozuntusu İnzibati Xətalar Məcəlləsinin 511.1-ci maddəsilə qiymətləndirilə bilər. 

Nərmin