Bakının əsas prospektində işıqfor problemi həll edildi - FOTO - YENİLƏNİB

Paytaxtın Səbail rayonu Neftçilər prospektində texniki problem səbəbindən işləməyən işıqforun fəaliyyəti bərpa edilib.

Bu barədə Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyindən (AYNA) oxu.az-ın sorğusuna cavab olaraq məlumat verilib.

Bildirilib ki, sözügedən ərazidə nasazlıq aradan qaldırılıb, işıqforlar artıq işlək vəziyyətə gətirilib.

***

Paytaxtın Səbail rayonu Neftçilər prospektində işıqfor işləmir.

Bu barədə oxu.az-a sürücülər məlumat veriblər.

Bildirilib ki, artıq iki gündür Neftçilər prospektində işıqforun hər üçü işığı eyni anda yanır və bu, sürücülərdə çaşqınlıq yaradır.

Nəqliyyatın hərəkətinə mənfi təsir edən, eləcə də qəza şəraitinə səbəb ola biləcək texniki problem isə hələ də həll olunmayıb.

Aidiyyəti quruma məsələ ilə bağlı sorğu ünvanlamışıq.