Bakının mərkəzində betonqarışdıran maşın belə tıxac yaratdı - ANBAAN VİDEO

Paytaxtda mərkəzi küçələrinin birində qayda pozan yük avtomobili görüntülənib.

Avtosfer.az xəbər verir ki, hadisə 26 dekabrda Bülbül prospektində Heydər Əliyev sarayının önündə qeydə alınıb.

Belə ki, saat 17:30 radələrində 99-JG-504 dövlət nömrə nişanlı “Iveco Astra” markalı betonqarışdıran maşın prospektdə hərəkətdə olub. Bakı şəhərində nəqliyyat sıxlığının qarşısının alınması, yolların buraxılış imkanlarının artırılması və yol hərəkəti təhlükəsizliyinin təmin edilməsi məqsədilə xüsusi təyinatlı nəqliyyat vasitələri istisna olmaqla digər yük avtomobillərinin yalnız müəyyən edilən saat çərçivəsində hərəkətinə icazə verilir.

Qeyd edək ki, icazə verilən kütləsi yüklə birlikdə 8 tondan artıq olan yük avtomobillərinin saat 07.00-dan 22.00-dək, yanacaq daşıyan yük avtomobillərinin isə saat 06.00-dan 00.00-dək Bakı şəhərinə girişi və şəhərdaxili hərəkəti qadağandır. 

Məhəbbət Tərlanoğlu