Baş yoldakı maşını görməzdən gələn sürücü qəza riski yaratdı - VİDEO

Paytaxtın Sabunçu rayonu, Pirşağı qəsəbəsində qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə fevralın 24-də saat 10:49 radələrində qeydə alınıb. Kadrlardan göründüyü kimi, 99-PF-812 dövlət nömrə nişanlı “Ford” markalı avtomobilin sürücüsü baş yoldan gələn maşına əhəmiyyət vermədən hərəkət edib. Nəticədə o, görüntünü qeydə alan avtomobilə qəza təhlükəsi yaradıb. 

Qeyd edək ki, qanunvericiliyə görə yolayrıcında “Yol ver” nişanı varsa, sürücü mütləq baş yoldan gələn nəqliyyat vasitələrinə yol verməli, yalnız qarşı zolaqda boşluq olduqda hərəkətini davam etdirməlidir. Bu qayda həm təhlükəsizliyi təmin edir, həm də qəza riskini azaldır.

Nərmin