“BMW” ilə ötmə “şou”su göstərən sürücü qəza riski yaratdı - 77-GH-010 - VİDEO

Paytaxtın Xətai rayonu Həzi Aslanov qəsəbəsində qayda pozan sürücü özünü videoya çəkərək sosial şəbəkə hesabında paylaşıb.
Avtosfer.az-ın məlumatına görə, mayın 21-də səhər saatlarında qeydə alınıb. Belə ki, 77-GH-010 dövlət nömrə nişanlı “BMW” markalı avtomobilin sürücüsü ötmə əməliyyatı edərək əks istiqamətli yola çıxır. Bu zaman qarşı tərəfdə hərəkətdə olan nəqliyyat vasitələrinə qəza təhlükəsi yaradır. Lakin buna baxmayaraq o, dəfələrlə manevr edərək “şou” göstərir. 
"Yol hərəkəti haqqında" qanuna əsasən, sürücü ötməyə başlamazdan əvvəl girmək istədiyi hərəkət zolağının ötmə üçün kifayət edəcək məsafədə boş olduğuna və bu manevr ilə qarşıdan gələn, öz zolağında olan nəqliyyat vasitələri üçün maneə yaratmayacağına əmin olmalıdır.

Nərmin