“BMW”sini azyaşlı qonşusuna sürməyə verən şəxs CƏRİMƏLƏNDİ - VİDEO

Xəzər Rayon Polis İdarəsindən Avtosfer.az-a bildirilib ki, keçirilən tədbirlər nəticəsində 90-VP-595 dövlət nömrə nişanlı “BMW” markalı avtomobili sürücülük hüququ olmayan azyaşlıya verən şəxsin Camalov Məhəbbət Pənah oğlu olduğu müəyyən edilib.

Araşdırma zamanı avtomobil sahibi azyaşlıya avtomobili yalnız parklanma yerini dəyişməsi üçün verdiyini, bu müddət ərzində isə heç bir şəxsin sağlamlığına zərər dəymədiyini bildirib.

Onunla profilaktik söhbət aparılıb, həmçinin barəsində qanunvericiliyə uyğun olaraq inzibati tənbeh tədbiri görülüb.

*** 8 may, 17:30

Bakıda yetkinlik yaşına çatmayan şəxsin avtomobil idarə etməsi ilə bağlı görüntülər sosial şəbəkələrdə müzakirələrə səbəb olub.

Avtosfer.az-ın məlumatına görə, videogörüntü “TikTok” sosial platformasında paylaşılıb. Kadrlarda azyaşlının 90-VP-595 dövlət qeydiyyat nişanlı “BMW” markalı avtomobili məhəllədaxili yolda idarə etdiyi əks olunub.

Paylaşılan görüntülər sosial şəbəkə istifadəçiləri tərəfindən birmənalı qarşılanmayıb. Onlar azyaşlının sükan arxasına keçməsinin qanunvericiliyə zidd olduğunu bildirərək, videonun ictimailəşdirilməsini tənqid ediblər.

Yeniyetmə isə cavabında atasının onun yanında olduğunu vurğulayaraq videonu silməyəcəyini bildirib.

İddialara görə, görüntülər paytaxtın Suraxanı rayonu ərazisində qeydə alınıb.

Nərmin