Boş zolağı qoyub sola manevr edən sürücü qəza riski yaratdı - VİDEO

Paytaxtda qayda pozan sürücü anbaan kameraya düşüb.
Avtosfer.az-ın məlumatına görə, hadisə bir müddət əvvəl günorta saatlarında qeydə alınıb. Videodan göründüyü kimi, 99-KC-737 dövlət nömrə nişanlı “Audi” markalı avtomobilin sürücüsü manevr qaydasını pozub. Belə ki, o, hərəkətdə olduğu zolaqdan sola keçib. Bu zaman həmin zolaqdakı avtomobilə qəza şəraiti yaradıb. Xoşbəxtlikdən sürücü yaranmış təhlükəni vaxtında görərək nəqliyyat vasitəsinin hərəkətini saxlayıb. 
Qeyd edək ki, sürücünün törətdiyi xəta İnzibati Xətalar Məcəlləsinin 327.1-ci maddəsinə əsasən, 40 manat cəriməylə nəticələnir.

Nərmin