Bu avtobus sürücüsü "qoçuluqla" məşğuldur: Hamının yolunu kəsir - VİDEO

Yol hərəkəti qaydalarını kobud şəkildə pozan avtobus sürücüsünün görüntüləri sosial şəbəkədə tənqid olunub. Avtosfer.az xəbər verir ki, hadisə iyunun 16-da, paytaxtın Moskva prospektində (20 Yanvar metrostansiyasının yaxınlığında) qeydə alınıb. Belə ki, 90-CD-920 qeydiyyat nişanlı "Setra" markalı avtobusun sürücüsü görüntünü qeydə alan avtomobili sıxışdıraraq ona qəza şəraiti yaradıb. Sürücü təhlükədən yayınmaq üçün qismən avtobus zolağına daxil olmağa məcbur olub. Hadisə zamanı sürücü dəfələrlə səs siqnalı verərək xəbərdarlıq etməyə çalışsa da, o, bu siqnallara məhəl qoymayaraq yoluna davam edib.

Qeyd edək ki, bu, həmin avtobus sürücüsü ilə bağlı yayılan ilk şikayət deyil. Sosial şəbəkə istifadəçilərindən biri də onun haqqında narazılığını bildirib. O qeyd edib ki, sözügedən sürücü Bakı-Sumqayıt yolunda eyni hərəkəti edərək qəza şəraiti yaradıb. Hətta onların arasında kiçik bir mübahisə də düşüb. Lakin sürücü etdiyi hərəkətin yanlış olduğunu qəbul etməyib.

Qeydə alınmış videonu təqdim edirik.

Fərid