Bu cür ötmə edən sürücüləri cərimə gözləyir - DİQQƏTLİ OLUN! - VİDEO

Bakı-Ələt yolunda qayda pozan iki sürücünün videosu sosial şəbəkədə yayılıb. Avtosfer.az xəbər verir ki, sürücülərdən biri hərəkət sürətini aşıb, digər isə manevr qaydasını pozub. Belə ki, 110 km/saat sürət təşkil edilmiş yolda görüntünü qeydə alan sürücü yüksək sürətlə hərəkət edib. Ötməyə başlayan 99-MM-671 qeydiyyat nişanlı "Mercedes" markalı avtomobilin sürücüsü isə sol zolağa keçərək həmin sürücüyə mane olub. Görüntünü qeydə alan sürücü vaxtında əyləci basmasaydı qəza baş verə bilərdi.

"Yol hərəkəti haqqında" qanunda qeyd olunub ki, sürücü ötməyə başlamazdan əvvəl əmin olmalıdır ki, girmək istədiyi hərəkət zolağı ötmə üçün kifayət edəcək məsafədə boşdur və bu manevr ilə o, qarşıdan gələn və bu zolaqda gedən nəqliyyat vasitələri üçün maneə yaratmayacaq.

Qeyd edək ki, bu xətanı törədən sürücüləri 40 manat məbləğində cərimə gözləyir.

Leyla