Bu halda sürücü qayda pozurmu? - Operativ nəqliyyat vasitəsi qəzadan son anda qurtuldu - VİDEO

Post Patrul Xidməti avtomobilinə qəza şəraiti yaradan sürücünün videosu anbaan kameraya düşüb. Avtosfer.az xəbər verir ki, sola dönən "KIA" markalı avtomobilin sürücüsü arxadan sayrışan işıqları qoşaraq gələn PPX avtomobilinə yol vermədən sola dönüb. Polis əməkdaşı peşəkarlıq göstərərək qəzadan son anda yayına bilib.

Operativ nəqliyyat vasitələrinin üstünlüyü ilə bağlı qanun nə deyir?

"Yol hərəkəti haqqında" qanunda qeyd olunub ki, üstündə“polis”, “təcili tibbi yardım”, “yanğınsöndürən” yazılar olan, habelə Azərbaycan Respublikasının müvafiq icra hakimiyyəti orqanının müəyyən etdiyi digər nəqliyyat vasitələri xüsusi tapşırığı yerinə yetirərkən üstün hərəkət rejiminə malikdirlər. Bu şəraitdə onların sürücüləri xüsusi işıq və səs siqnallarını qoşmalıdırlar.

Qanunvericilikdə də qeyd olunub ki, operativ nəqliyyat vasitələrinin sürücüləri sayrışan işıq və xüsusi səs siqnalını qoşubsa digər hərəkət iştirakçıları yanında üstünlüyə malikdirlər. Onlara yol verməyən sürücüləri 3 bal 100 manat məbləğində cərimə gözləyir.

Leyla