Bu küçədə park edilmiş maşınlar sürücülərə əngəl törətdi; arxa-arxaya sürərək geri qayıtdılar - VİDEO

Paytaxtın Nəsimi rayonu, Əlövsət Quliyev küçəsində park edilmiş maşınlar hərəkəti məhdudlaşdırıb.

Avtosfer.az-ın məlumatına görə, sürücülərdən biri görüntünü qeydə alaraq sosial şəbəkə hesabında paylaşıb. Videodan da göründüyü kimi, yolun sol və sağ tərəfində park edilmiş 99-SV-533 dövlət nömrə nişanlı “VAZ-2107” markalı və dövlət nömrə nişanı olmayan “KIA Rio” markalı avtomobillər sürücülərin hərəkətinə əngəl törədib. Nəticədə ərazidən keçən sürücülər maşını arxa-arxaya sürərək geri qayıdıblar. 

Qeyd edək ki, video sosial şəbəkədə müzakirələrə səbəb olub. İstifadəçilərin əksəriyyəti sözügedən küçədə mütəmadi olaraq eyni halın baş verdiyini bildiriblər. 

Xatırladaq ki, qanunvericiliyə əsasən, bu halda (əgər dayanma-durmanı qadağan edən nişan yoxdursa) sonradan park edilmiş maşın qayda pozmuş hesab olunur. 

Nərmin