Bu küçədəki avtobus dayanacağı hər gün avtomobillər tərəfindən zəbt olunur - FOTO

Paytaxtın Binəqədi rayonu Süleyman Sani Axundov küçəsində dayanma-durma qaydasını pozan sürücü görüntülənib.

Bu barədə izləyicilərdən biri Avtosfer.az-ın “Whatsapp” ünvanına fotoşəkil göndərib. Belə ki, 01-CR-207 dövlət nömrə nişanlı “Chevrolet” markalı avtomobilin sürücüsü avtobus dayanacağını parkinq zonasına çevirib. Şikayətçinin sözlərinə görə, sözügedən dayanacaqda hər gün eyni vəziyyət mövcuddur. Nəticədə avtobus sürücüləri məcbur qalaraq sərnişinləri dayanacaqdan kənarda mindirib-düşürürlər. Fotoşəkildə digər avtomobillərin də sırayla dayanacaqda park edildiyi əks olunub. 

Qeyd edək ki, qanunvericiliyə əsasən sürücülər avtomobillərini avtobus dayanacağından 15 metr kənarda saxlaya bilərlər. 

Nərmin