Bu məktəbin qarşısı parkinqə çevrilib: Şagirdlər maşınların arasıyla hərəkət edirlər - VİDEO

Paytaxtın Nərimanov rayonu Xan Şuşinski küçəsində sürücülər dayanma-durma qaydalarını kütləvi şəkildə pozurlar.

Avtosfer.az-ın məlumatına görə, bu barədə görüntü sosial şəbəkədə paylaşılıb. Belə ki, sözügedən ərazidəki 258 saylı tam orta məktəbin qarşısı parklanma məntəqəsinə çevrilib. Görüntüdən də aydın olduğu kimi, 99-SF-019 dövlət nömrə nişanlı “BMW” markalı, 99-ZL-483 dövlət nömrə nişanlı “Mercedes” markalı, 19-BG-706 dövlət nömrə nişanlı “Mercedes” markalı, 77-YT-294 dövlət nömrə nişanlı “Nissan” markalı, 77-RV-995 dövlət nömrə nişanlı “KIA” markalı, 10-LY-441 dövlət nömrə nişanlı “Renault Megane” markalı avtomobillər və digər nəqliyyat vasitələri məktəbin girişində park edilib. Nəticədə şagird və valideynlər maşınların arasıyla hərəkət edərək çətinliklə ərazidən keçiblər.

Qeyd edək ki, vətəndaşlar hər gün görüntüdəki mənzərə ilə qarşılaşdıqlarını bildirirlər.

Nərmin