Bu yoldakı tıxacın səbəbi qayda pozan sürücülərdir - VİDEO

Paytaxtda tıxac ən böyük problemlərdən biridir. Tıxaca səbəb isə çox vaxt sürücülərin nəqliyyat vasitərəini yalnış park etməsidir. 

Avtosfer.az xəbər verir ki, Yasamal rayonu Məhsul stadionu, 13 saylı orta məktəbin qarşısında da analoji vəziyyət hökm sürür. 

Belə ki, 2 zolağlı yolda avtomobillərin qanunsuz parkinqi böyük tıxaclara səbəb olur. Akim Abbasov küçəsindən Əsəd Əhmədov küçəsinə avtomobillər maneəsiz çıxa bilirlər. Lakin burada avtomobillərin yolun bir zolağını zəbt etməsi böyük tıxaca səbəb olur. Həmçinin yoldan keçən nəqliyyat vasitələri üçün çətinlik yaradır. 

Vətəndaşlardan birinin Avtosfer.az-a göndərdiyi görüntülərdə də aydın şəkildə əks olunub ki, hərəkət iştirakçıları 2 zolaqlı yolun yalnız bir zolağından istifadə edə bilir. 

Qeyd edək ki, sözügedən hala yol verən sürücü dayanma-durma qaydalarını pozduğuna görə İnzibati Xətalar Məcəlləsinin 346.1-ci maddəsinə əsasən 20 manat məbləğində cərimə olunmalıdır.

Məhəbbət Tərlanoğlu