Cərimədən yayınmaq istəyən sürücü maşını səkidə park edib hərəkəti ikiqat çətinləşdirdi - FOTO

Paytaxtın Yasamal rayonu Məhəmməd Naxçıvani küçəsində dayanma-durma qaydasını pozan sürücü görüntülənib.

Xoşagəlməz halla bağlı izləyicilərdən Avtosfer.az-ın “Facebook” ünvanına fotoşəkillər göndərib. Belə ki, 10-XX-600 dövlət nömrə nişanlı “Lixiang” markalı avtomobilin sürücüsü piyada səkisini zəbt edib. Nəticədə piyadalar ərazidən keçərkən çətinlik çəkiblər. Eyni zamanda o, nəqliyyat vasitəsini binanın girişində saxlayaraq hərəkəti məhdudlaşdırıb. Şikayətçinin sözlərinə görə, sürücü ikinci cərgədə dayanmamaq üçün maşını səkidə park edərək ərazidən uzaqlaşıb. 

Xatırladaq ki, nəqliyyat vasitəsini səkidə park etmək İnzibati Xətalar Məcəlləsinin 346.9-cu maddəsinə əsasən, 2 bal və 60 manat məbləğində cəriməylə nəticələnir. 

Nərmin