Daha bir “Tiktok”er yolda təhlükə “saçdı” – Sükan arxasına pul saydı, video da çəkdi - VİDEO

“Tiktok”erlərin avtomobil idarə edərkən qaydalara əməl etməməsi tez-tez müahidə edilir.

Avtosfer.az xəbər verir ki, daha bir “TikTok” fenomeni, "Taksi Baba" adı ilə tanınan şəxsin də qayda pozduğu görüntülər sosial şəbəkədə geniş yayılıb.

Belə ki, 24-BH-034 nömrə nişanlı avtomobili idarə edən "Taksi Baba" yüksək sürətlə hərəkətdə olan avtomobildə sükanı buraxaraq pul sayıb. Həmçinin o, mobil telefondan istifadə edərək video çəkib. Bu da sosial şəbəkə istifadəçiləri tərəfindən birmənalı olaraq qarşılanmayıb. “Tiktok”erin hərəkətləri həm təhlükəli, həm də qayda pozuntusudur.

Qeyd edək ki, "Taksi Baba” İnzibati Xətalar Məcəlləsinin 342.6-cı maddəsinə əsasən, nəqliyyat vasitəsinin hərəkəti zamanı telefonu əlində saxlamaqla ondan istifadə etməsinə görə 50 manat məbləğində cərimə olunmalıdır.

Məhəbbət Tərlanoğlu