Dairədə yol verməyən sürücü iki maşına qəza şəraiti yaratdı - VİDEO

Dairəvi hərəkət təşkil edilmiş yolayrıcının keçilməsi qaydasını pozan sürücü qəza şəraiti yaradıb. Avtosfer.az xəbər verir ki, hadisə Sumqayıt şəhərində "Elmarın dairəsi" adlanan ərazidə baş verib. Belə ki, 10-UM-462 qeydiyyat nişanlı "VAZ" markalı avtomobilin sürücüsü dairə boyunca hərəkət edən avtomobillərə yol verməyərək onların qarşısına çıxıb. O, öncə görüntünü qeydə alan sürücüyə, daha sonra isə sol zolaqda hərəkət edən "Toyota Prius" markalı avtomobilə qəza şəraiti yaradıb.

Həmin sürücü İnzibati Xətalar Məcəlləsinin 327.2-ci maddəsi ilə 3 bal 80 manat məbləğində cərimə oluna bilər.

Fərid