Dairəyə daxil olan sürücü maşının qarşısına keçib qəza şəraiti yaratdı - VİDEO

Masazır dairəsində yol hərəkəti qaydasını pozan sürücü təhlükəli anlar yaşadıb. Avtosfer.az xəbər verir ki, hadisə dekabrın 22-də baş verib. Belə ki, 77-CH-929 qeydiyyat nişanlı "Ford" markalı avtomobilin sürücüsü dairəyə daxil olan zaman üstünlüyə malik olan avtomobilə yol verməyərək onun qarşısına keçib. Görüntünü qeydə alan sürücü tormoz verərək qəzadan son anda yayınıb.

Qeyd edək ki, bu əmələ görə həmin sürücü İnzibati Xətalar Məcəlləsinin 327.2-ci maddəsi ilə 3 bal 80 manat məbləğində cərimə edilə bilər.

Könül