Dönər yeyən sürücü əlini sükandan çəkdi, onun əvəzinə sərnişin idarə etdi - VİDEO

Sükan arxasında təhlükəli hərəkət edən sürücü özünü videoya çəkərək sosial şəbəkə hesabında paylaşıb.
Avtosfer.az-ın məlumatına görə, xoşagəlməz hadisə fevralın 16-sı səhər saatlarında qeydə alınıb. Belə ki, 77-XB-983 dövlət nömrə nişanlı “Mercedes” markalı avtomobilin sürücüsü hərəkətdə olan zaman əlini sükandan çəkərək dönər yeyib. Bu zaman yan oturacaqdakı sərnişin sükan çənbərini idarə etməyə başlayıb. İşin acınacaqlı tərəfi isə sürücünün videoda “siz sevgilinizin sumkasını daşıyın” qeyd etməklə lüzumsuz müqayisə aparması olub. Üstəlik paylaşdığı görüntüylə insanlara pis örnək olur. 
Hər bir sürücü avtomobili idarə etdiyi zaman böyük məsuliyət daşıdığını və belə lüzumsuz hərəkətlər etdiyi zaman özüylə yanaşı digər nəqliyyat vasitələrinə də təhlükə yaratdığını unutmamalıdır.  Əyləncə məqsədilə törətdiyi əməlin   faciəylə bitə biləcəyini nəzərə almalıdır.

Nərmin