Dönmə işığını söndürməyən sürücü prospektdə çaşqınlıq yaratdı - 77-DE-774 - VİDEO

Paytaxtın Heydər Əliyev prospektində qayda pozan sürücü lentə alınıb.

Bu barədə izləyicilərdən biri Avtosfer.az-ın “Whatsapp” ünvanına video göndərərək məlumat verib. Kadrlardan görünür ki, 77-DE-774 dövlət nömrə nişanlı “Hyundai” markalı avtomobilin sürücüsü yolboyu dönmə işığını aktiv vəziyyətdə saxlayaraq hərəkət edib.

Şikayətçinin sözlərinə görə, o, bir neçə döngədə qarşıdakı avtomobilin dönəcəyini düşünərək sürətini azaldıb və gözləyib. Lakin sürücü heç bir manevr etmədən eyni istiqamətdə hərəkətini davam etdirib. Nəticədə digər sürücü yaranan çaşqınlıq səbəbindən hərəkət istiqamətini dəyişmək məcburiyyətində qaldığını bildirib.

Qeyd edək ki, dönmə işıq göstəriciləri yalnız konkret manevr etməzdən əvvəl və manevr zamanı istifadə olunmalıdır. İstiqamət dəyişmədən və ya uzun müddət səbəbsiz olaraq dönmə siqnalı ilə hərəkət etmək digər hərəkət iştirakçılarını yanlış istiqamətləndirir və qəza şəraiti yarada bilər. 

Nərmin