Ehtiyat benzin gəzdirmək vərdişini tərgidə bilməyən sürücü - FOTO

Adətən köhnə taksi sürücülərinin baqajda Cola qabında ehtiyat benzin gəzdirməsinə vaxtilə çox şahid olmuşuq. Düşünürdük ki, karbüratorlu avtomobillər sıradan çıxdıqdan sonra bu ziyanlı ənənə aradan qalxacaq. Sən demə yanılmışıq.

Bu günlərdə Şəhidlər Xiyabanı qarşısındakı dairədə yanacağı qurtarıb yolda qalan sürücü bir daha yanıldığımı xatırlatdı. Yolda qalan Volskwagen ərazidə bir anın içində sıxlıq yaranmasına da səbəb oldu. 

Son model avtomobillər qıf və ya hansısa qabdan yanacaq tökülməsinə hesablanmadığı üçün ehtiyat yanacağı tökmək də çətindir. Sürücü 15-20 dəqiqə əlləşərək qabdakı yanacağın bir hissəsini yola (ekoloji ziyan), bir hissəsini də çənə tökə bildi. Yol ötən sürücülər də sözlərini ənənəyə uytğun olaraq siqnalla dedilər. 

Qeyd edək ki, Avropa ölkələrində şosedə yanacağın bitməsi fors-major halı deyil, insan xətası hesab edilir. Bu xəta həm inzibati, həm də cinayət məsuliyyəti yaradır.

Vüqar