Əks yola çıxan qadın sürücü yolayırıcında dayanıb təhlükə yaratdı - 99-XD-502 - VİDEO

Balaxanı yolunda qayda pozan sürücünün görüntüaü anbaan avtomobilin kamerasına düşüb.

Bu barədə izləyicilərdən biri Avtosfer.az-ın “İnstagram” ünvanına videomaterial göndərib. Hadisə iyunun 14-də saat 18:46 radələrində qeydə alınıb. Videodan da göründüyü kimi, yolayırıcına daxil olan 99-XD-502 dövlət nömrə nişanlı “Chevrolet” markalı avtomobilin sürücüsü əks istiqamətli yola çıxaraq yolayırıcının keçilməsi qaydasını pozub. Belə ki, yolayırıcına daxil olan qadın sürücü sağ tərəfdən gələn maşına qəza şəraiti yaradıb. Xoşbəxtlikdən görüntünü qeydə alan sürücü təhlükəni vaxtında görərək maşını saxlayıb və baş verəcək qəzadan xilas olub. 

Xatırladaq ki, nizamlanmayan yolayrıcında (işıqfor, yol ver nişanı olmadıqda) hərəkət üstünlüyü baş yoldakı nəqliyyat vasitələrində olur. Lakin bəzi sürücülər baş yolda olan maşınları gözləmədən yolayrıcına daxil olurlar və videodakı sürücü kimi təhlükəyə səbəb olurlar. Bu xətanı törədən sürücülər İnzibati Xətalar Məcəlləsinin 327.2-ci maddəsinə əsasən, 3 bal və 80 manat cərimələnə bilərlər.

Nərmin