Əks yola çıxan traktor baykerə baxın necə təhlükə yaratdı - ANBAAN VİDEO

Əks istiqamətli yola çıxan traktor qəza təhlükəsi yaradıb.
Avtosfer.az-ın məlumatına görə, hadisə dekabrın 20-də saat 15:40 radələrində qeydə alınıb. Videodan göründüyü kimi, hərəkətdə olan traktor anidən əsk zolağa keçib. Belə ki, o, qoşa xəttin tələbini pozaraq qarşıdan gələn motosikletə qəza riski yaradıb. Xoşbəxtlikdən bayker yaranmış təhlükəni görərək vaxtında nəqliyyat vasitəsinin hərəkətini saxlayıb. Qayda pozan traktor sürücüsü isə yoluna davam edib.  
Təəssüf hissiylə qeyd edək ki, bəzi sürücülər motosikletə nəqliyyat vasitəsi kimi yanaşmır. Bu tip avtomobil idarəçiləri adətən motosikletin zolağına girir, yaxud baykerlərə yol vermədən ötüb keçirlər. Nəticədə qəza təhlükəsi yaradır, hətta ölümlə nəticələnən bədbəxt hadisələrə səbəb olurlar.

Nərmin