Energetik içkini içən taksi sürücüsü yolu belə zibillədi - VİDEO

Bakıda yolu zibilləyən taksi sürücüsü kameraya düşüb. Avtosfer.az xəbər verir ki, hadisə dekabrın 29-da, beynəlxalq avtovağzalın qarşısında baş verib. Belə ki, 99-FM-410 qeydiyyat nişanlı "Opel" markalı avtomobilin sürücüsü içdiyi energetik içkini bayıra ataraq yolu zibilləyib.

Sürücülər nədənsə istifadə etdikləri qidanın qalığını avtomobildə saxlamağı artıq hesab edirlər. Sanki ağır bir yükü əllərində daşıyırlarmış kimi hərəkət edirlər. İstifadə etdiyiniz qidanın kağızını və ya qabını avtomobilin bir küncündə saxlamaq ayıb deyil, əksinə təqdirəlayiq hərəkətdir. Avtomobildən düşən zaman həmin tullantıları küçədəki zibil qabına atmaq insanın daha mədəni olmasından xəbər verir. Ona görə də istənilən ictimai yerlərdə zibili bayıra atmamaqla mədəni davranışımızı nümayiş etdirməliyik.

Qeyd edək ki, videogörüntüdəki sürücü İnzibati Xətalar Məcəlləsinin 327.1-ci maddəsilə 40 manat məbləğində cərimə edilə bilər.

Fərid