Fikrini dəyişən sürücü birbaşa üçüncü zolağa keçid edib təhlükə yaratdı - VİDEO

Paytaxtın Heydər Əliyev prospektində qayda pozan sürücü anbaan avtomobilin videoregistratoruna düşüb.

Avtosfer.az-ın məlumatına görə, hadisə noyabrın 25-də saat 20:14 radələrində qeydə alınıb. Hərəkətdə olan 90-UB-012 dövlət nömrə nişanlı “Geely” markalı avtomobilin sürücüsü manevr qaydasını pozub. O, hərəkətdə olduğu zolaqdan birbaşa üçüncü zolağa keçid edib. Nəticədə həmin zolaqdakı maşına qəza şəraiti yaradıb. Kadrda, “Geely” sürücüsünün dönmə işığını yandıraraq qayda pozduğu görünür. Təəssüf ki, bir qisim sürücülər bunu etməklə xəta törətmədiklərini düşünürlər. Lakin istənilən halda bu qanunla qadağandır. Bu qaydanın pozulmasına görə, İnzibati Xətalar Məcəlləsinin 327.1-ci maddəsilə 40 manat məbləğində cərimə nəzərdə tutulur. 

Nərmin