"Fürsətdən" istifadə edən sürücü qırmızı işıqda keçdi - VİDEO

Xırdalanda qayda pozan sürücü kameraya düşüb. Avtosfer.az xəbər verir ki, hadisə dekabrın 20-də, Məmməd Əmin Rəsulzadə küçəsində qeydə alınıb.

Belə ki, 77-EL-439 qeydiyyat nişanlı "Ford" markalı avtomobilin sürücüsü günün qaranlıq saatının olmasından istifadə edərək qayda pozub. O, svetoforun sarı işığının yandığını görsə də dayanmayıb. Daha sonra isə qırmızı işıqda hərəkətinə davam edib.

Qeyd edək ki, İnzibati Xətalar məcəlləsinin müvafiq maddəsinə əsasən svetoforun qadağanedici nişanının tələblərinin pozulmasına görə 80 manat və 3 bal cərimə nəzərdə tutulur.

Könül