Həm ədəbsiz, həm də qaydaları pozan sürücünü siz də tanıyın - VİDEO

Həm ədəbsiz, həm də qaydaları pozan sürücünü siz də tanıyın - VİDEO

Paytaxtda kobud qayda pozan sürücü görüntülənib.

Avtosfer.az xəbər verir ki, hadisə bu gün saat 09:00 radələrində Nizami rayonu, Oqtay Vəliyev küçəsində qeydə alınıb.

Belə ki, yol və səkidə olan qar əriyərək  gölməçələrin yaranmasına səbəb olub. Belə vəziyyətdə sürücülər avtomobilləri aşağı sürətlə idarə ediblər.

Lakin 99-CJ-168 dövlət nömrə nişanlı “Great Wall” markalı avtomobilin sürücüsü yüksək sürətlə dönmə siqnalından istifadə etmədən əks yola çıxıb. Bu qarşıda hərəkətdə olan nəqliyyat vasitələri üçün qəza vəziyyətinin yaranmasına səbəb olub. Nəticədə gölməçədə olan kirli su həm piyadaların, həm də hərəkətdə olan maşınların üzərinə sıçrayıb. Sürücü qayda pozmaqla yanaşı digər hərəkət iştirakçılarına qarşı ədəbsizlik edib. Çünki, su və ya palçığın yolda piyadalara, binalara və nəqliyyat vasitələrinə qəsdən sıçradılması qeyri-etik davranışdır.

Qeyd edək ki, sözügedən sürücü barəsində əks istiqamətli hərəkət zolağına çıxmaqla ötmə və ya manevr etmə qaydalarının pozulmasına görə İnzibati Xətalar Məcəlləsinin 327.2. maddəsinə əsasən 60 (Altmış manat) 3 bal cərimə tətbiq edilməlidir. Eyni zamanda İnzibati Xətalar Məcəlləsinin müvafiq maddəsinə əsasən suyu qəsdən sıçradan sürücülər 40 manat məbləğində cərimə edilir.

Məhəbbət Tərlanoğlu