İsmayıllıda narkoman sürücü saxlanıldı - İş məhkəməyə göndərildi - FOTO

İsmayıllıda narkotikin təsiri altında avtomobil idarə edən sürücü müəyyən olunub.

Avtosfer.az xəbər verir ki, İsmayıllı Rayon Polis Şöbəsinin Dövlət Yol Polisi Bölməsinin əməkdaşlarının keçirdikləri tədbirlərlə “VAZ-2107” markalı avtomobilin sürücüsü E.Ziliyev manevr etmə qaydasını pozduğu üçün ona “saxla” işarəsi verilib. 

Yoxlama zamanı sürücünün hərəkətləri şübhə doğurduğundan o, tibbi müayinədən keçirilib. Nəticədə E.Ziliyevin marixuana istifadə etdiyi müəyyənləşib. 

Həmin şəxs barəsində toplanmış materiallar məhkəməyə göndərilib.