Keçid olmayan bu yerdə piyadaya yol verməsəniz CƏRİMƏ OLUNACAQSINIZ

Bəzi sürücülər düşünür ki, əgər piyada keçidi yoxdursa piyadaya yol verməyə bilər. Bir çox hallarda bu qayda məqbul olsa da bəzi yerlərdə piyada keçidi olmasa belə yolu keçən şəxsə yol vermək tələb olunur.

Avtosfer.az xəbər verir ki, İnzibati Xətalar Məcəlləsinin 330.0.2-ci maddəsi bu məsləni tənzimləyir. Belə ki, yolayrıcında sürücü sağa və ya sola dönərkən dönəcəyi yolun hərəkət hissəsini keçməkdə olan piyadaya yol verməlidir. Bunu etməkdikdə sürücü əlli manat məbləğində cərimə edilir.

Lakin burada “yol verməmək” anlayışının izahına ehtiyac var. Belə ki, İnzibati Xətalar Məcəlləsinin 330 və 331-ci maddələrində “yol verilməməsi” dedikdə, sürücünün hərəkəti davam etdirməsi və ya yenidən hərəkətə başlaması, yaxud hər hansı manevr etməsi nəticəsində piyadanın və ya keçid üstünlüyü hüququna malik olan nəqliyyat vasitəsinin sürücüsünün hərəkət istiqamətini və ya sürətini dəyişdirməyə məcbur etməsi başa düşülür.

Orxan