Keçid olmayan yerdə yol verir, keçiddə isə sürüb gedir - VİDEO

Xırdalan şəhərində sürücünün hərəkətləri kameraya düşüb. Avtosfer.az xəbər verir ki, hadisə Heydər Əliyev prospektində qeydə alınıb. Məlumata görə, 77-AD-518 dövlət nömrə nişanlı “Chevrolet” markalı avtomobilin sürücüsü yolun keçid olmayan hissəsində dayanaraq bir piyadaya yol verib. Bu, bir çox sürücünün etmədiyi diqqətəlayiq bir jest kimi görünsə də, hadisənin davamında ziddiyyətli bir vəziyyət yaşanıb.

Belə ki, bir qədər irəlidə yerləşən piyada keçidində yolu keçmək istəyən digər piyadanı sürücü görməzdən gəlib və sürəti azaltmadan yoluna davam edib.

Ekspertlər bildirirlər ki, sürücülər yalnız istədikləri yerdə deyil, qanunla müəyyən edilmiş keçidlərdə piyadalara yol verməlidirlər.

Fərid