“KIA” ilə paytaxt küçələrini bir-birinə vuran “avtoş” sürücü - VİDEO

Sosial şəbəkələrdə avtoxuliqanlığı təbliğ edən sürücülərin sayı getdikcə artır. Xüsusilə gənc nəslin nümayəndələri kobud qayda pozub videoya çəkərək sosial platformalarda paylaşırlar. Onları izləyənlər arasında isə yeniyetmə və gənclər çoxluq təşkil edir. Təbii ki, onlar öz həyatlarını təhlükəyə atmaqla yanaşı minlərlə insana da pis örnək olurlar. İşin ən acınacaqlı tərəfi isə törətdikləri qayda pozuntularını qəhrəmanlıq “şou”su kimi göstərmələridir. 
Avtoxuliqanlığı təbliğ edən daha bir gənc sürücünün görüntüləri sosial şəbəkələrdə geniş yayılıb.

Avtosfer.az-ın məlumatına görə, “avtoş” sürücü videolarını “Muslum.091” adıyla  “Tik-Tok”da paylaşır. Belə ki, o, idarə etdiyi 90-SZ-091 dövlət nömrə nişanlı “Kia Rio” markalı avtomobillə təhlükəli manevrlər edib. Videodan da göründüyü kimi, sürət həddini aşan sürücü ardıcıl olaraq manevr qaydalarını pozub və digər nəqliyyat vasitələrinə təhlükə yaradıb. Həmçinin paylaşdığı başqa bir görüntüdə isə əks istiqamətli yola çıxaraq yenidən öz zolağına qayıdıb. Digər videoda isə yük maşınını ötərək digər zolaqda olan avtomobilə qəza riski yaradıb. 

Nərmin