Magistral yolda işıqsız gedən sürücü təhlükə yaratdı - VİDEO

Magistral yolda işıq cihazlarından istifadə etməyərək hərəkət edən avtomobilin sürücüsü təhlükə yaradıb.

Avtosfer.az xəbər verir ki, hadisə dünən (7 dekabr) saat 18:00 radələrində Cəlil Məmmədquluzadə küçəsində qeydə alınıb.

Belə ki, günün qaranlıq saatları olmasına baxmayaraq 99-OK-133 dövlət nömrə nişanlı, “Mazda CX-5” markalı avtomobilinin sürücüsü işıqları yandırmadan magistral yolda hərəkət edir. Bu həm nəqliyyat vasitələri üçün, həm də piyadalar üçün ciddi təhlükədir. Piyada və digər avtomobillərin sürücüləri qaranlıq olduğu üçün həmin maşını görməyib qəza törədə bilər.

Qeyd edək ki, qanunvericikdə işıq cihazları işləmədikdə və onu yerində təmir etmək mümkün olmadıqda avtomobil hərəkətdən uzaqlaşdırılmalıdır. Belə halda avtomobil idarə edən sürücüyə 50 manat məbləğində cərimə tətbiq olunur.

Məhəbbət Tərlanoğlu