"Manatlıq" taksi sürücüləri 20 Yanvarda körpünün altını avtovağzala çevirib - VİDEO

20 Yanvar metrostansiyasının yaxınlığı dayanma-durma qaydalarının mütəmadi pozulduğu və xaotik vəziyyətin yarandığı ərazilərdən biridir. Avtosfer.az xəbər verir ki, bu məkan şəhərin şimal hissəsindən gələn insanlar üçün əsas giriş nöqtəsidir. Ətraf qəsəbələrdən sərnişin daşıyan “manatlıq” taksi sürücüləri sərnişinləri məhz bu ərazidə düşürür. Lakin onların qaydalara əməl etməməsi nəticəsində yolda ciddi tıxac və sıxlıq yaranır.

Xüsusən günün pik saatlarında yolda hərəkət etmək mümkünsüz olur. Onlar geriyə dönmə yerində sərnişin mindirib-düşürərək yolu kəsirlər. Nəticədə digər avtomobillərin hərəkətini məhdudlaşdırırlar.

Sözügedən ərazidən qeydə alınmış görüntünü oxuculardan biri redaksiyamızın qaynar xəttinə göndərib. Videodan da aydın şəkildə görünür ki, sürücülər pərakəndə şəkildə harada gəldi dayanırlar. Hətta ikinci və üçüncü cərgədə dayanaraq hərəkəti tam şəkildə məhdudlaşırırlar.

Fərid