Manevr edən sürücü əks yola çıxıb yenidən zolağına qayıtdı - VİDEO

Rayonlardan birində kobud qayda pozan sürücünün videosu sosial şəbəkələrdə geniş yayılıb.
Avtosfer.az-ın məlumatına görə, hadisə avqustun 8-i saat 19:35 radələrində qeydə alınıb. Videodan göründüyü kimi, 10-KB-286 dövlət nömrə nişanlı “VAZ-2106” markalı avtomobilin sürücüsü manevr qaydasını pozub. Belə ki, o, əks istiqamətli yola çıxaraq yenidən öz zolağına qayıdıb. Bu zaman arxa tərəfdən gələn “Ford Transit” markalı avtomobilə qəza riski yaradıb. Xoşbəxtlikdən hadisə zamanı əks zolaqda nəqliyyat vasitəsi olmayıb. 
Qeyd edək ki, sürücü sağa dönən zaman ən sağ zolağa manevr etməlidir. Əks zolağa keçərək manevr etmək qayda pozmaqla yanaşı qəzaya səbəb ola bilər.
Xatırladaq ki, manevr qaydasını pozan sürücü İnzibati Xətalar Məcəlləsinin 327.1-ci maddəsinə əsasən, 40 manat cərimə ödəmək məcburiyyətindədir.

Nərmin