Masazırda sürücülərə "sürpriz": Nişan aldadıb əks yola aparır - VİDEO

Masazırda sürücüləri çaş-baş salan nişanla bağlı qeyd alınmış videogörüntü sosial şəbəkədə yayılıb. Avtosfer.az xəbər verir ki, yolayrıcına quraşdırılmış baş yol və onun istiqaməti üzrə hərəkət edən sürücülər sağa dönən zaman sürprizlə qarşılaşırlar. Belə ki, sağa döngədə isə giriş qadağandır nişanı quraşdırılıb. Həmin nişanı görməyən sürücülər birtərəfli yolun əksi istiqamətində hərəkət edirlər.

Sürücülərin qayda pozmasına səbəb nişanların düzgün quraşdırılmamasıdır. Bu yolayrıcında sağdan gələn istiqamət birtərəflidirsə, öncə ora 5.7.2 nişanı quraşdırılmalıdır. Daha sonra isə icazə verilən istiqamətlər üzrə məcburi hərəkət istiqaməti nişanı quraşdırılmalıdır.

Ümid edirik ki, aidiyyəti qurumlar tez bir zamanda mövcud problemi aradan qaldıracaq.

Leyla